提摩太後書 第 3 章

1

(THR) Nā-sī lí tio̍h chai tī chiah ê lō͘-bé ê jı̍t ū gûi-hiám ê sî beh kàu.

(BCL) 若是你著知，佇諸個路尾的日有危險的時欲到。

2

(THR) In-ūi lâng beh kò͘ ka-kī, tham-châi, khoa-kháu, kiau-ngō͘, pòng-to̍k, pōe-ge̍k pē-bú, bōng-un, bô sèng-kiat;

(BCL) 因為人欲顧家己、貪財、誇口、驕傲、謗瀆、悖逆父母、忘恩、無聖潔、

3

(THR) put-chêng, pōe-iok, húi-pòng, bô ka-kī iok-sok, chân-jím, òan-hūn hó,

(BCL) 不情、背約、誹謗、無家己約束、殘忍、怨恨好、

4

(THR) kan-kúi, chip-phiah, phòng-hong, ài khòai-lo̍k khah kè-thâu tī thiàⁿ Siōng-tè;

(BCL) 奸詭、執癖，風，愛快樂卡過頭佇疼上帝，

5

(THR) ū kèng-khiân ê gōa-māu, nā-sī í-keng khì-sak kèng-khiân ê kôan-lêng; chhin-chhiūⁿ chit hō lâng lí tio̍h lī-khui in.

(BCL) 有敬虔的外貌，若是已經棄拺敬虔的權能；親像此號人你著離開。

6

(THR) In-ūi in tiong-kan ū lâng àm-chīⁿ jı̍p lâng ê ke, bê-he̍k gōng-gōng ê hū-lú, chiū-sī hō͘ tāng ê chōe só͘ teh, hō͘ chōe-chōe chêng-io̍k só͘ ín-iú ê;

(BCL) 因為中間有人暗靜入人的家、迷惑戇戇的婦女。就是互重的罪所壓，互多多情慾所引誘的，

7

(THR) chiah ê hū-lú siông-siông teh ha̍k-sı̍p, iā kàu bé bōe-ōe bêng-pe̍k chin-lí.

(BCL) 諸個婦女常常學習，也到尾會明白真理。

8

(THR) Chá Ngá-nî Iông-pì tùi-te̍k Mô͘-se, chit hō lâng iā chhin-chhiūⁿ án-ni tùi-te̍k chin-lí, in ê sim-chì í-keng pāi-hōai, lūn-kàu tō-lí in sī put-tiòng-iōng ê.

(BCL) 早雅尼、佯庇對敵摩西，此號人也親像按呢對敵真理。的心志已經敗壞，論到道理是不重用的。

9

(THR) Nā-sī in bōe-ōe koh chìn-pō͘, in-ūi in ê gû-gōng beh lō͘-hiān tī chèng lâng ê bīn-chêng chhin-chhiūⁿ hit nn̄g lâng chı̍t iūⁿ.

(BCL) 若是會閣進步；因為的愚戇欲露現佇眾人的面前，親像彼二人一樣。

10

(THR) To̍k-to̍k lí ū sūn-thàn góa ê kà-sī, phín-hēng, chì-hiòng, sìn-khò, khoan-iông, jîn-ài, thun-lún, kap chiah ê khún-tio̍k, í-kı̍p khó͘-lān;

(BCL) 獨獨你有順趁我的教示、品行、志向、信靠、寬容、仁愛、吞，及諸個窘逐以及苦難，

11

(THR) iā chai góa tī An-thê-o, Í-ko-liām, Lō͘-sū-tek só͘ tú-tio̍h sím-mı̍h sū, kap siū sím-mı̍h khún-tio̍k; chóng-sī Chú lóng kiù góa thoat-lī.

(BCL) 也知我佇安提阿、以哥念、路司得所抵著甚麼事，及受甚麼窘逐，總是主攏救我脫離。

12

(THR) Koh kìⁿ-nā ài tit tiàm-tī Ki-tok Iâ-so͘ kèng-khiân lâi kè-jı̍t ê beh siū khún-tio̍k.

(BCL) 閣見若愛得佇基督耶穌敬虔來過日的欲受窘逐。

13

(THR) To̍k-to̍k pháiⁿ lâng kap phah-phiàn lâng ê beh ná kú ná pháiⁿ, bê-he̍k lâng, ka-kī iā siū bê-he̍k.

(BCL) 獨獨歹人及拍騙人的，欲愈久愈歹，迷惑人，家己也受迷惑。

14

(THR) Nā-sī lí tio̍h tn̂g-tn̂g tòa tī só͘ ha̍k-sı̍p só͘ chhim sìn hiah ê sū, in-ūi chai sī tùi sím-mı̍h lâng o̍h ê;

(BCL) 若是你著長長住佇所學習，所深信許個事，因為知是對甚麼人學的，

15

(THR) iā chai lí tùi sòe-hàn í-keng bat hiah ê sèng-chheh, chiū-sī ōe hō͘ lí ū tì-hūi, tùi sìn Ki-tok Iâ-so͘ lâi tit-tio̍h kiù ê.

(BCL) 也知你對細漢已經識許個聖冊，就是會互你有智慧，對信基督耶穌來得著救的。

16

(THR) Kìⁿ-nā hō͘ Siōng-tè be̍k-sī ê keng iā ū lī-ek tī kà-sī, tī tok-chek, hō͘ lâng kui-chèng, ín-chhōa lâng o̍h gī-lí,

(BCL) 見若互上帝默示的經，也有利益佇教示、佇督責、互人歸正、引導人學義理，

17

(THR) hō͘ ho̍k-sāi Siōng-tè ê lâng liān-ta̍t, piān-piān lâi kiâⁿ lóng-chóng ê hó sū.

(BCL) 互服事上帝的人練達，便便來行攏總的好事。

Bible Color Mark

• 台語漢字羅馬本
• 巴克禮全羅