提摩太後書 第 2 章

1

(THR) Só͘-í, góa ê kiáⁿ ah, lí tiàm-tī Ki-tok Iâ-so͘ ê un, tio̍h ióng-kiāⁿ.

(BCL) 所以我的子啊，你佇基督耶穌的恩著勇健。

2

(THR) Lí tī chōe-chōe kan-chèng ê lâng ê bīn-chêng só͘ tùi góa thiaⁿ-kìⁿ chiah ê sū, tio̍h kau-thok tiong-sìn ê lâng, chiong-lâi kham-tit kà-sī pa̍t lâng ê.

(BCL) 你佇多多干證的人的面前所對我聽見諸個事，著交託忠信的人，將來堪得教示別人的。

3

(THR) Lí tio̍h chhin-chhiūⁿ Ki-tok Iâ-so͘ cheng-liān ê peng kap góa siū-khó͘.

(BCL) 你著親像基督耶穌精練的兵，及我受苦。

4

(THR) Kìⁿ-nā chhut-kun ê peng bô hō͘ sè-sū tîⁿ-pòaⁿ, thang hō͘ chio-bō͘ i ê hoaⁿ-hí.

(BCL) 見若出軍的兵，無互世事纏絆，通互招募伊的歡喜。

5

(THR) Tàu-la̍t ê nā bô chiàu hoat-tō͘ lâi tàu-la̍t, chiū bōe tit-tio̍h bián-liû.

(BCL) 鬥力的若無照法度來鬥力，就得著冕旒。

6

(THR) Chhut-la̍t tio̍h-bôa ê choh-sit lâng khah tāi-seng tit-tio̍h thó͘-sán sī ha̍p-gî.

(BCL) 出力著磨的作穡人，卡代先得著土產是合宜。

7

(THR) Góa só͘ kóng ê lí tio̍h siūⁿ i; in-ūi Chú beh hō͘ lí tī ta̍k hāng tāi-chì chhang-miâ.

(BCL) 我所講的你著想伊，因為主欲互你佇逐項代誌聰明。

8

(THR) Lí tio̍h kì-tit tùi Tāi-pı̍t ê hō͘-è só͘ chhut ê Iâ-so͘ Ki-tok, I tùi sí-lâng tiong koh-o̍ah, tú-tú chiàu góa ê hok-im;

(BCL) 你著記得對大衛的後裔所出的耶穌基督，伊對死人中復活，抵抵照我的福音。

9

(THR) góa ūi-tio̍h chit-ê siū khó͘, sīm-chì siū pa̍k, chhin-chhiūⁿ kiâⁿ pháiⁿ ê lâng chı̍t iūⁿ; chóng-sī Siōng-tè ê tō-lí bô siū pa̍k.

(BCL) 我為著此個受苦，甚至受縳，親像行歹的人一樣。總是上帝的道理無受縳。

10

(THR) Só͘-í góa in-ūi siū kéng ê lâng lâi thun-lún it-chhè ê sū, hō͘ in iā ū hūn tī Ki-tok Iâ-so͘ ê chín-kiù, kap éng sè-tāi ê êng-kng.

(BCL) 所以我因為受揀的人來吞一切的事，互也有份佇基督耶穌的拯救及永世代的榮光。

11

(THR) Ū chı̍t kù thang sìn ê ōe, chiū-sī kóng, Lán nā kap I tâng sí, iā beh kap I tâng o̍ah;

(BCL) 有一句通信的話就是講：咱若及伊同死，也欲及伊同活；

12

(THR) lán nā thun-lún, iā beh kap I saⁿ-kap chòe ông; lán nā m̄ jīn I, I iā beh m̄ jīn lán;

(BCL) 咱若吞，也欲及伊相及做王；咱若呣認伊，伊也欲呣認咱；

13

(THR) lán nā sit sìn, I iû-gôan sī sìn-sı̍t, in-ūi I bōe-ōe pōe ka-kī.

(BCL) 咱若失信，伊猶原是信實，因為伊會背家己。

14

(THR) Lí tio̍h chiong chiah ê tāi-chì hō͘ lâng kì-tit, iā tī Chú ê bīn-chêng hoan-hù in m̄ thang in-ūi giân-gú lâi saⁿ-chìⁿ; che sī bô lī-ek, koh ōe pāi-hōai thiaⁿ ê lâng.

(BCL) 你著將諸個代誌互人記得，也佇主的面前吩咐：呣通因為言語來相諍；這是無利益，閣會敗壞聽的人。

15

(THR) Lí tio̍h tì-ì hō͘ Siōng-tè khòaⁿ lí chòe khó-chhú ê, chòe bián kiàn-siàu ê chòe-kang lâng, chiàu chiàⁿ-ì lâi khui-thiah chin-lí ê tō.

(BCL) 你著致意互上帝看你做可取的，做免見誚的做工人，照正意來開拆真理的道。著閃避粗俗的虛詞。

16

(THR) Tio̍h siám-pī chho͘-sio̍k ê hu-sû, in-ūi in beh ná tì-kàu put-khiân,

(BCL) 因為欲愈致到不虔。

17

(THR) in ê ōe beh siⁿ-thòaⁿ chhin-chhiūⁿ chhng-to̍k; kî-tiong ū Hú-bí-nái kap Hui-lí-tô͘,

(BCL) 的話欲生湠，親像瘡毒；其中有許米乃及腓理徒，

18

(THR) lūn-kàu chin-lí in í-keng chha-biū, kóng koh-o̍ah ê sū í-keng kè-sin, chiū pāi-hōai kúi-nā lâng ê sìn.

(BCL) 論到真理已經差謬，講復活的事已經過身，就敗壞幾若人的信。

19

(THR) Chóng-sī Siōng-tè kian-kò͘ ê tōe-ki khiā-chāi, ū khàm-ìn kóng, Chú bat I ka-kī ê lâng; koh kóng, Hōan-nā chheng-ho͘ Chú ê miâ ê tio̍h lī-khui put-gī.

(BCL) 總是上帝堅固的地基徛在；有蓋印講：「主識伊家己的人」；閣講：「凡若稱呼主的名的著離開不義。」

20

(THR) Taⁿ tī tōa chhù-lāi, i ê khì-kū m̄ nā ū kim-ê gûn-ê, iā ū chhâ-ê thô͘-ê, ū-ê chòe kùi-khì ê lō͘-ēng, ū-ê chòe hā-chiān ê lō͘-ēng.

(BCL) 今佇大厝內，伊的器具呣若有金的銀的，也有柴的土的；有的做貴器的路用，有的做下賤的路用。

21

(THR) Só͘-í lâng nā chheng-khì ka-kī thoat-lī chiah-ê, chiū beh chòe kùi-khì ê khì-kū, chiâⁿ-sèng, ha̍p tī chú-lâng ê lō͘-ēng, piān-piān thang chòe ta̍k hāng hó ê sū.

(BCL) 所以人若清氣家己，脫離諸個，就欲做貴器的器具，成聖，合佇主人的路用，便便通做逐項好的事。

22

(THR) Tio̍h siám-pī siàu-liân lâng ê su-io̍k, lâi kap hiah ê chhut tī chheng-khì sim kiû-kiò Chú ê lâng saⁿ-kap tui-jip gī, sìn, jîn-ài, hô-pêng.

(BCL) 著閃避少年人的私慾，來及許個出佇清氣心求叫主的人相及追義、信、仁愛、和平。

23

(THR) Nā-sī gû-gōng bô ha̍k-būn ê piān-lūn, lí tio̍h lī-khui in; in-ūi chai tùi chiah-ê ōe siⁿ-chhut oan-ke.

(BCL) 若是愚戇無學問的辯論，你著離開，因為知對諸個會生出冤家。

24

(THR) To̍k-to̍k Chú ê lô͘-po̍k m̄ thang oan-ke, tio̍h un-jiû lâi khóan-thāi chèng lâng, gâu kà-sī, jím-siū bú-bān,

(BCL) 獨獨主的奴僕呣通冤家，著溫柔來款待眾人，教示，忍受侮慢，

25

(THR) ēng un-jiû kéng-kài hiah ê ge̍k-lí ê lâng, kiám-chhái Siōng-tè hō͘ in hóan-hóe, thang lâi bat chin-lí;

(BCL) 用溫柔警戒許個逆理的人；豈採上帝互反悔，通來識真理，

26

(THR) iā ka-kī chhíⁿ-gō͘, lâi thoat-lī Mô͘-kúi ê o̍ah-tauh, in-ūi hō͘ Chú ê lô͘-po̍k o̍ah-o̍ah lia̍h-tio̍h, lâi chiâⁿ Siōng-tè ê chí-ì.

(BCL) 也家己醒悟，來脫離魔鬼的活罩，因為互主的奴僕活活掠著，來成上帝的旨意。

Bible Color Mark

• 台語漢字羅馬本
• 巴克禮全羅