提摩太前書 第 5 章

1

(THR) Bo̍h-tit chek-pī lāu lâng, tio̍h khǹg i chhin-chhiūⁿ lāu-pē; siàu-liân lâng chhin-chhiūⁿ hiaⁿ-tī;

(BCL) 莫得責備老人，著勸伊親像老父；少年人親像兄弟；

2

(THR) lāu hū-jîn-lâng chhin-chhiūⁿ lāu-bú; siàu-liân hū-jîn-lâng chhin-chhiūⁿ chí-bē, tio̍h choan-bū chheng-khì.

(BCL) 老婦仁人親像老母；少年婦仁人親像姊妹；著專務清氣。

3

(THR) Chin-chiàⁿ chiú-kóaⁿ ê kóaⁿ-hū tio̍h chun-kèng i.

(BCL) 真正守寡的寡婦著尊敬伊。

4

(THR) Nā-sī chiú-kóaⁿ hū-jîn-lâng ū kiáⁿ á-sī sun, in tio̍h tāi-seng o̍h iú-hàu tī i ka-kī ê ke, lâi pò-tap in ê sī-tōa lâng, in-ūi che sī tit-tio̍h chiap-la̍p tī Siōng-tè ê bīn-chêng.

(BCL) 若是守寡婦仁人有子，抑是孫，著代先學有孝佇伊家己的家，來報答的序大人，因為這是得著接納佇上帝的面前。

5

(THR) Chin-chiàⁿ chòe kóaⁿ-hū bô i-óa ê, chí-ū ǹg-bāng Siōng-tè, mî-jı̍t siông-siông teh kiû-kiò kî-tó.

(BCL) 真正做寡婦、無依倚的，只有向望上帝，暝日常常求叫祈禱。

6

(THR) Nā-sī chhia-chhí ê, sui-jiân o̍ah í-keng sí.

(BCL) 若是奢侈的，雖然活已經死。

7

(THR) Chiah ê sū tio̍h hoan-hù, hō͘ in bô mâu-pēng.

(BCL) 諸個事著吩咐，互無毛病。

8

(THR) Lâng nā bô kò͘ chhin-lâng, sīm-chì bô kò͘ ka-kī ê ke, che chiū-sī pōe-biū tō-lí, pí m̄ sìn ê lâng koh khah pháiⁿ.

(BCL) 人若無顧親人，甚至無顧家己的家，這就是悖謬道理，比呣信的人閣卡歹。

9

(THR) Kóaⁿ-hū kì tī chheh-nı̍h ê, tek-khak tio̍h chiūⁿ la̍k-cha̍p hè, bat chòe chı̍t ê tiōng-hu ê hū-jîn-lâng,

(BCL) 寡婦記佇冊裡的，的確著上六十歲，曾做一個丈夫的婦仁人，

10

(THR) koh ū hó só͘ kiâⁿ ê chèng-kù, bat iúⁿ-chhī kiáⁿ-jî, chiap-thāi lâng-kheh, sóe sèng-tô͘ ê kha, chín-chè siū hōan-lān ê lâng, thàn it-chhè ê hó só͘ kiâⁿ.

(BCL) 閣有好所行的證據，曾養飼子兒，接待人客，洗聖徒的腳，賑濟受患難的人，趁一切的好所行。

11

(THR) Nā-sī siàu-liân ê kóaⁿ-hū tio̍h sî i; in-ūi in kàu tōng-khí chêng-io̍k lâi ge̍k Ki-tok ê sî, chiū siūⁿ beh kè;

(BCL) 若是少年的寡婦，著辭伊；因為到動起情慾，來逆基督的時就想欲嫁。

12

(THR) in-ūi in pàng-sak khí-thâu ê sìn, chiū siū gí-tòan.

(BCL) 因為放拺起頭的信，就受擬斷；

13

(THR) Koh o̍h pîn-tōaⁿ, kè chhù kè the̍h; m̄ nā pîn-tōaⁿ, iā kāu ōe, ài chhap sū, kóng só͘ m̄ eng-kai kóng ê.

(BCL) 閣學貧憚，過厝過宅；呣若貧憚，也厚話，愛插事，講所呣應該講的。

14

(THR) Só͘-í góa ài siàu-liân ê kóaⁿ-hū koh kè, siⁿ kiáⁿ, liāu-lí ke, bô hō͘ tùi-te̍k ū ki-hōe thang kóng pháiⁿ ōe.

(BCL) 所以我愛少年的寡婦閣嫁，生子，料理家，無互對敵有機會通講歹話。

15

(THR) In-ūi í-keng ū lâng o̍at-tńg, khì tè Sat-tàn.

(BCL) 因為已經有人越轉去隨撒但。

16

(THR) Nā-sī sìn Chú ê hū-jîn-lâng i ê kai-chhin ū kóaⁿ-hū, chiū tio̍h pang-chān i, bián-tì liân-lūi kàu-hōe, hō͘ kàu-hōe thang pang-chān hiah ê chin-chiàⁿ chòe kóaⁿ-hū ê.

(BCL) 若是信主的婦仁人，伊的皆親有寡婦，就著幫助伊，免致連累教會，互教會通幫助許個真正做寡婦的。

17

(THR) Gâu tī-lí kàu-hōe ê tiúⁿ-ló tio̍h ka-pē chun-kèng i, hiah ê tio̍h-bôa tī káng tō-lí kap kà-sī ê, koh khah tio̍h án-ni.

(BCL) 治理教會的長老，著加倍尊敬伊；許個著磨佇講道理及教示的，閣卡著按呢。

18

(THR) In-ūi sèng-keng kóng, Bō ngó͘-kok ê gû, bo̍h-tit láng i ê chhùi. Koh, chòe-kang ê kham-tit siū i ê kang-chîⁿ.

(BCL) 因為聖經講：「磨五殼的牛，莫得籠伊的嘴」；閣：「做工的堪得受伊的工錢。」

19

(THR) Ū kò tiúⁿ-ló ê, nā m̄ sī ū nn̄g saⁿ ê chòe kan-chèng, chiū bo̍h-tit chiap-la̍p.

(BCL) 有告長老的，若呣是有二三個做干證，就莫得接納。

20

(THR) Hōan-chōe ê tio̍h tng chèng lâng ê bīn-chêng chek-pī in, hō͘ kî-û ê iā thang kiaⁿ-hiâⁿ.

(BCL) 犯罪的，著當眾人的面前責備，互其餘的也通驚惶。

21

(THR) Góa tī Siōng-tè kap Ki-tok Iâ-so͘ í-kı̍p siū kéng ê thiⁿ-sài ê bīn-chêng, bēng-lēng lí, tio̍h siú chiah ê sū, bo̍h-tit kò͘-chip só͘ chûn ê ì-kiàn, kiâⁿ tāi-chì bo̍h-tit phian-su.

(BCL) 我佇上帝及基督耶穌以及受揀的天使的面前命令你：著守諸個事，莫得固執所存的意見，行代誌莫得偏私。

22

(THR) Bo̍h-tit kóaⁿ-kín kā lâng hōaⁿ chhiú, iā bo̍h-tit ū hūn tī pa̍t lâng ê chōe; ka-kī tio̍h kò͘ chheng-khì.

(BCL) 莫得趕緊給人按手；也莫得有份佇別人的罪，家己著顧清氣。

23

(THR) Bo̍h-tit koh kan-ta lim chúi; tio̍h ēng tām-po̍h chiú, in-ūi lí ê pî-ūi, kap lí ê kāu phòa-pīⁿ ê iân-kò͘.

(BCL) 莫得閣干單飲水，著用淡薄酒，因為你的脾胃，及你的厚破病的緣故。

24

(THR) Ū lâng in ê chōe lō͘-hiān, chòe thâu-chêng kiâⁿ kàu tī sím-phòaⁿ; ū-ê in ê chōe tè in ê āu-bīn.

(BCL) 有人的罪露現，做頭前行到佇審判；有的的罪隨的後面。

25

(THR) Chhin-chhiūⁿ án-ni hó ê só͘ kiâⁿ iā ū lō͘-hiān ê; hiah ê m̄ sī án-ni ê iā khàm bōe ba̍t.

(BCL) 親像按呢，好的所行也有露現的，許個呣是按呢的也蓋密。

Bible Color Mark

• 台語漢字羅馬本
• 巴克禮全羅