撒母耳記上 第 31 章

1

(THR) Hui-lī-sū lâng kap Í-sek-lia̍t lâng kau-chiàn, Í-sek-lia̍t lâng tī Hui-lī-sū lâng ê bīn-chêng tô-cháu, siū-siong lâi sí, tó tī Ki-lī-pho soaⁿ.

(BCL) 非利士人及以色列人交戰。以色列人佇非利士人的面前逃走，受傷來死倒佇基利波山。

2

(THR) Hui-lī-sū lâng jip-óa Sò-lô kap i ê kiáⁿ; Hui-lī-sū lâng chiū thâi-sí Sò-lô ê kiáⁿ, Iok-ná-tan, A-pí-ná-ta̍t, Be̍k-ki-su-a.

(BCL) 非利士人倚掃羅及伊的子，非利士人就死掃羅的子約拿單、亞比拿達、麥基舒亞。

3

(THR) Hit ê kau-chiàn kong-kek Sò-lô chin siong-tiōng; siā-chìⁿ ê lâng jip-tio̍h i, i hō͘ siā-chìⁿ ê lâng pek i chin-chhám.

(BCL) 彼個交戰攻擊掃羅真傷重，射箭的人著伊，伊互射箭的人迫伊真慘，

4

(THR) Sò-lô kā kia̍h i ê kun-khì ê lâng kóng, Pu̍ih lí ê to kā góa chha̍k-kè-khì, kiaⁿ-liáu chiah ê bô siū kat-lé ê lâng lâi chha̍k-sí góa, lâi lêng-jio̍k góa. Kia̍h i ê kun-khì ê lâng bô beh, in-ūi i chin kiaⁿ. Sò-lô chiū kia̍h i ê to, chhih tī hit téng-bīn.

(BCL) 掃羅給抬伊的軍器的人講：「拔你的刀，給我鑿過去，驚了諸個無受割禮的人來鑿死我，來凌辱我。」抬伊的軍器的人無欲，因為伊真驚；掃羅就抬伊的刀扼佇彼頂面。

5

(THR) Kia̍h i ê kun-khì-ê khòaⁿ-kìⁿ Sò-lô í-keng sí, i iā chhih tī to-nih, kap i saⁿ-kap sí.

(BCL) 抬伊的軍器的看見掃羅已經死，伊也扼佇刀裡及伊相及死。

6

(THR) Sò-lô kap i saⁿ ê kiáⁿ, kap kia̍h i ê kun-khì ê lâng, í-kı̍p lóng-chóng tè i ê lâng, tâng chı̍t-jı̍t chòe chı̍t-ē sí.

(BCL) 掃羅及伊三個子，及抬伊的軍器的人，以及攏總隨伊的人，同一日做一下死。

7

(THR) Tùi án-ni tī soaⁿ-kok hit-pêng, kap tī Iok-tàn hô hit-pêng ê Í-sek-lia̍t lâng, khòaⁿ-kìⁿ Í-sek-lia̍t lâng í-keng tô-cháu, Sò-lô kap i hiah ê kiáⁿ iā lóng sí, chiū khì-sak hiah ê siâⁿ tô-cháu. Hui-lī-sū lâng sòa lâi tiàm hia khiā-khí.

(BCL) 對按呢佇山谷彼旁及佇約但河彼旁的以色列人，看見以色列人已經逃走，掃羅及伊許個子也攏死，就棄拺許個城逃走。非利士人續來踮遐徛起。

8

(THR) Keh-jı̍t Hui-lī-sū lâng lâi pak hiah ê siū thâi-sí ê lâng, chhē-tio̍h Sò-lô kap i saⁿ ê kiáⁿ, sí tī Ki-lī-pho soaⁿ.

(BCL) 隔日，非利士人來縛許個受死的人，尋著掃羅及伊三個子死佇基利波山，

9

(THR) Chiū koah-tn̄g i ê thâu-khak, thǹg i ê chiàn-kah, chhe lâng kàu Hui-lī-sū tōe ê sì-kéng, piàn-thôan tī hiah ê ngó͘-siōng ê biō kap peh-sìⁿ ê tiong-kan.

(BCL) 就割斷伊的頭殼，褪伊的戰甲，差人到非利士地的四境，遍傳佇許個偶像的廟及百姓的中間；

10

(THR) Koh chiong i ê chiàn-kah hē tī A-su-tha-lio̍k ê biō-lāi, chiong i ê sin-si tèng tī Pek-san ê siâⁿ-chhiûⁿ-téng.

(BCL) 閣將伊的戰甲下佇亞斯他錄的廟內，將伊的身屍釘佇伯珊的城牆頂。

11

(THR) Ki-lia̍t Ngá-pí khiā-khí ê peh-sìⁿ, thiaⁿ-kìⁿ Hui-lī-sū lâng só͘ kiâⁿ tī Sò-lô ê sū;

(BCL) 基列雅比徛起的百姓聽見非利士人所行佇掃羅的事，

12

(THR) in hiah ê ióng-sū lóng khí-lâi, thong-mî kiâⁿ, chiong Sò-lô ê sin-si, kap i hiah ê kiáⁿ ê sin-si, tùi Pek-san ê siâⁿ-chhiûⁿ chhú-lo̍h-lâi, tòa kàu Ngá-pí, tī-hia sio i;

(BCL) 許個勇士攏起來，通暝行，將掃羅的身屍及伊許個子的身屍對伯珊的城牆取落來，帶到雅比，佇遐燒伊；

13

(THR) chiong in ê kut bâi-chòng tī Ngá-pí ê sûi-si-liú chhiū kha, kìm-chia̍h chhit-jı̍t.10

(BCL) 將的骨埋葬佇雅比的垂絲柳樹腳，禁食七日。

Bible Color Mark

• 台語漢字羅馬本
• 巴克禮全羅