撒母耳記上 第 21 章

1

(THR) Tāi-pı̍t kàu Lô-pek, kàu chè-si A-hi-bí-le̍k hia. A-hi-bí-le̍k kiaⁿ-hiâⁿ lâi chih Tāi-pı̍t, tùi i kóng, Lí siáⁿ-sū ka-kī lâi, bô lâng kap lí lâi ah?

(BCL) 大衛到羅伯到祭司亞希米勒遐，亞希米勒驚惶來接大衛，對伊講：「你啥事家己來，無人及你來啊？」

2

(THR) Tāi-pı̍t ìn chè-si A-hi-bí-le̍k kóng, Ông bēng-lēng góa chı̍t kiāⁿ sū, koh kā góa kóng, Góa só͘ chhe lí ê sū, kap góa só͘ bēng-lēng lí ê, lóng m̄-thang hō͘ lâng chai; góa í-keng phài siàu-liân lâng tī bó͘ só͘-chāi thèng-hāu góa;

(BCL) 大衛應祭司亞希米勒講：「王命令我一件事閣給我講：『我所差你的事及我所命令你的，攏呣通互人知。』我已經派少年人佇某所在聽候我。

3

(THR) taⁿ lí ê chhiú ū sím-mı̍h mı̍h, chhiáⁿ lí ēng gō͘ ê piáⁿ hō͘ góa, á-sī pa̍t-hāng.

(BCL) 今你的手有甚麼物？請你用五個餅互我抑是別項。」

4

(THR) Chè-si tùi Tāi-pı̍t kóng, Góa ê chhiú-nih bô pêng-siông ê piáⁿ, chí-ū sèng ê piáⁿ; nā siàu-liân lâng bô chhin-kūn hū-jîn-lâng, chiah thang.

(BCL) 祭司對大衛講：「我的手裡無平常的餅，只有聖的餅；若少年人無親近婦仁人才通。」

5

(THR) Tāi-pı̍t ìn chè-si kā i kóng, Kàu-taⁿ iok-lio̍k ū saⁿ-jı̍t, bē-bat chhin-kūn hū-jîn-lâng; góa chhut-mn̂g ê sî, sui-jiân sī pêng-siông ê tāi-chì, siàu-liân lâng ê khì-kū sī chheng-khì; hô-hòng kin-á-jı̍t in ê khì-kū kiám bô sèng mah?

(BCL) 大衛應祭司給伊講：「到今約略有三日未曾親近婦仁人；我出門的時，雖然是平常的代誌，少年人的器具是清氣；何況今仔日的器具豈無聖嗎？」

6

(THR) Chè-si chiū the̍h sèng ê piáⁿ hō͘ i, in-ūi tī-hia bô pa̍t-mı̍h ê piáⁿ, chí-ū pâi-lia̍t ê piáⁿ, tùi Iâ-hô-hoa ê bīn-chêng the̍h-khí-lâi ê; the̍h-khí-lâi hit-jı̍t, sī beh hē sio ê piáⁿ lâi pâi i.

(BCL) 祭司就提聖的餅互伊；因為佇遐無別物的餅，只有排列的餅，對耶和華的面前提起來的，提起來彼日是欲下燒的餅來排伊。（

7

(THR) Tng hit-jı̍t tī-hia, ū Sò-lô ê lô͘-po̍k lâu tī Iâ-hô-hoa ê bīn-chêng, miâ kiò To-ek, sī Í-tong lâng, chòe Sò-lô kò͘ cheng-siⁿ-ê ê thâu-lâng.

(BCL) 當彼日佇遐有掃羅的奴僕留佇耶和華的面前。名叫多益，是以東人，做掃羅顧精牲者的頭人。）

8

(THR) Tāi-pı̍t mn̄g A-hi-bí-le̍k kóng, Lí chhiú-ē ū chhiuⁿ á-sī to á-bô? in-ūi ông ê tāi-chì chin kín-kip, góa lóng bô tòa to kap khì-hâi.

(BCL) 大衛問亞希米勒講：「你手下有槍抑是刀抑無？因為王的代誌真緊急，我攏無帶刀及器械。」

9

(THR) Chè-si kóng, Ū Hui-lī-sū lâng Ko-lī-à ê to, chiū-sī lí chêng tī Í-la̍h ê soaⁿ-kok só͘ thâi-sí-ê, tī-chia, pau tī pò͘-nih, tī í-hut-tek ê āu-bīn; lí nā beh ēng, chiū kia̍h-khì, in-ūi hit-ki í-gōa bô pa̍t-hāng. Tāi-pı̍t kóng, Chit ki to bô chı̍t-ki ōe pí tit i, chhiáⁿ lí hō͘ góa.

(BCL) 祭司講：「有非利士人歌利亞的刀，就是你前佇以拉的山谷所死的佇遮，包佇布裡，佇以弗得的後面，你若欲用就抬去；因為彼支以外，無別項。」大衛講：「此支刀無一支會比得伊！請你互我。」

10

(THR) Hit-jı̍t Tāi-pı̍t khí-sin, siám-pī Sò-lô, cháu kàu Ka-te̍k ông A-kiat hia.

(BCL) 彼日大衛起身，閃避掃羅，走到迦特王亞吉遐。

11

(THR) A-kiat hiah ê jîn-sîn kā i kóng, Chit-ê kiám m̄-sī hit-kok ê ông Tāi-pı̍t mah? in tī thiàu-bú-tiong chhiùⁿ-hō kóng, Sò-lô thâi-sí in ê chheng-chheng, Tāi-pı̍t thâi-sí in ê bān-bān,kiám m̄-sī chí chit-lâng mah?

(BCL) 亞吉許個人臣給伊講：「此個豈呣是彼國的王大衛嗎？佇跳舞中唱和講『掃羅死的千千，大衛死的萬萬。』豈呣是指此人嗎？」

12

(THR) Tāi-pı̍t chiong chiah ê ōe chûn tī sim-lāi, chin kiaⁿ Ka-te̍k ông A-kiat;

(BCL) 大衛將諸個話存佇心內，真驚迦特王亞吉，

13

(THR) chiū tī chèng-lâng ê bīn-chêng, kóe-ōaⁿ kú-tōng; tī in ê chhiú-ē ké tian-kông, tī siâⁿ-mn̂g ê mn̂g-sìⁿ lōan-siá lōan-u̍ih, hō͘ nōa lâu tī chhùi-chhiu-nih.

(BCL) 就佇眾人的面前改換舉動，佇的手下假癲狂，佇城門的門扇亂寫亂畫，互涎流佇嘴鬚裡。

14

(THR) A-kiat kā i ê jîn-sîn kóng, Lín khòaⁿ, chit ê lâng sī tian-kông siáⁿ-sū tòa i lâi góa chia ah?

(BCL) 亞吉給伊的人臣講：「恁看，此個人是癲狂。啥事帶伊來我遮啊？

15

(THR) Góa kiám ū khiàm-ēng tian-kông ê, lín chiah chhōa chit-lâng lâi tian-kông tī góa ê bīn-chêng ah? chit-lâng kiám thang jı̍p góa ê chhù mah?

(BCL) 我豈有欠用癲狂的，恁才導此人來癲狂佇我的面前啊？此人豈通入我的厝嗎？」

Bible Color Mark

• 台語漢字羅馬本
• 巴克禮全羅