哥林多前書 第 3 章

1

(THR) Hiaⁿ-tī ah, góa chêng kap lín kóng ōe, bōe-ōe lia̍h lín chòe sio̍k sîn ê lâng, sī chòe sio̍k jio̍k-thé ê lâng, tiàm-tī Ki-tok sī chòe eⁿ-á ê.

(BCL) 兄弟啊，我前及恁講話，會掠恁做屬神的人，是做屬肉體的人，佇基督是做嬰仔的。

2

(THR) Góa bat ēng lin chhī lín, bô ēng bí-niû;

(BCL) 我曾用奶飼恁，無用米糧。因為恁前堪得，到今猶會。

3

(THR) in-ūi lín chêng bōe kham-tit, kàu taⁿ iáu bōe-ōe; sī lín iáu thàn jio̍k-thé; lín tiong-kan kì-jiân ū òan-tò͘ saⁿ-chiⁿ, kiám m̄ sī thàn jio̍k-thé, chiàu lâng ê khóan lâi kiâⁿ mah?

(BCL) 是恁猶趁肉體，恁中間既然有怨妒、相爭，豈呣是趁肉體，照人的款來行嗎？

4

(THR) In-ūi chit-ê kóng, Góa sio̍k Pó-lô, hit-ê kóng, Góa sio̍k A-pho-lô, án-ni lín kiám m̄ sī thàn lâng ê ì-sù mah?

(BCL) 因為此個講：「我屬保羅」；彼個講：「我屬亞波羅。」按呢恁豈呣是趁人的意思嗎？

5

(THR) A-pho-lô sī sím-mı̍h? Pó-lô sī sím-mı̍h? Sī lín só͘ tùi in lâi sìn ê chhe-ēng, chiàu Chú só͘ siúⁿ-sù ta̍k lâng ê.

(BCL) 亞波羅是甚麼？保羅是甚麼？是恁所對來信的差用，照主所賞賜逐人的。

6

(THR) Góa chai-chèng, A-pho-lô ak-chúi, to̍k-to̍k Siōng-tè hō͘ i tōa châng.

(BCL) 我栽種，亞波羅沃水，獨獨上帝互伊大欉。

7

(THR) Án-ni-siⁿ chai-chèng ê, ak-chúi ê, lóng bōe sǹg tit siàu; chí ū hō͘ i tōa châng ê Siōng-tè nā-tiāⁿ.

(BCL) 按呢生栽種的，沃水的，攏算得數；只有互伊大欉的上帝若定。

8

(THR) Chai-chèng ê kap ak-chúi ê sī chı̍t iūⁿ; nā-sī ta̍k lâng chiàu ka-kī ê tio̍h-bôa beh tit-tio̍h ka-kī ê kang-chîⁿ.

(BCL) 栽種的及沃水的，是一樣，若是逐人照家己的著磨欲得著家己的工錢。

9

(THR) In-ūi góan sī Siōng-tè ê tâng tio̍h-bôa ê; lín sī Siōng-tè só͘ choh ê hn̂g, Siōng-tè só͘ khí ê chhù.

(BCL) 因為阮是上帝的同著磨的；恁是上帝所作的園，上帝所起的厝。

10

(THR) Chiàu Siōng-tè só͘ siúⁿ-sù góa ê un, góa chhin-chhiūⁿ tì-hūi ê sai-hū-thâu ū hē tōe-ki; pa̍t lâng khí tī hit téng-bīn. Chóng-sī ta̍k lâng tio̍h kín-sīn cháiⁿ-iūⁿ khí i.

(BCL) 照上帝所賞賜我的恩，我親像智慧的師傅頭，有下地基，別人起佇彼頂面；總是逐人著謹慎怎樣起伊。

11

(THR) In-ūi só͘ hē ê tōe-ki í-gōa bô lâng ōe hē pa̍t ê tōe-ki, tōe-ki chiū-sī Iâ-so͘ Ki-tok.

(BCL) 因為所下的地基以外無人會下別個地基，地基就是耶穌基督。

12

(THR) Chóng-sī lâng nā ēng kim, gûn, pó-chio̍h, chhâ, chháu, tiū-kó, khí tī chit ê tōe-ki téng;

(BCL) 總是人若用金、銀、寶石、柴、草、稻稿起佇此個地基頂，

13

(THR) ta̍k lâng ê kang teh-beh lō͘-hiān; sī hit jı̍t beh hián-bêng i, in-ūi beh tùi hé lâi hián-hiān; koh hé beh chhì-giām ta̍k lâng ê kang sī sím-mı̍h khóan.

(BCL) 逐人的工欲露現，是彼日欲顯明伊，因為欲對火來顯現；閣火欲試驗逐人的工是甚麼款。

14

(THR) Lâng só͘ khí-chō ê kang nā iáu lâu-teh, chiū i beh tit-tio̍h kang-chîⁿ;

(BCL) 人所起造的工若猶留，就伊欲得著工錢。

15

(THR) lâng ê kang nā sio-lio-khì, i chiū tú-tio̍h sún-sit; to̍k-to̍k pún-sin beh tit-tio̍h kiù, m̄ kú sī chhin-chhiūⁿ tùi hé-tiong thoat-chhut.

(BCL) 人的工若燒燎去，伊就抵著損失，獨獨本身欲得著救，呣拘是親像對火中脫出。

16

(THR) Kiám m̄ chai lín sī Siōng-tè ê tiān, Siōng-tè ê Sîn tiàm-tī lín lāi-bīn mah?

(BCL) 豈呣知恁是上帝的殿，上帝的神佇恁內面嗎？

17

(THR) Lâng nā húi-hōai Siōng-tè ê tiān, Siōng-tè beh húi-hōai i; in-ūi Siōng-tè ê tiān sī sèng, tiān chiū-sī lín chiah ê.

(BCL) 人若毀壞上帝的殿，上帝欲毀壞伊；因為上帝的殿是聖，殿就是恁諸個。

18

(THR) Lâng m̄ thang ka-kī phiàn. Lín tiong-kan nā ū lâng lia̍h ka-kī tī chit sè-kan chòe ū tì-hūi, chiū tio̍h chiâⁿ-chòe gōng, thang chiâⁿ-chòe ū tì-hūi.

(BCL) 人呣通家己騙。恁中間若有人掠家己佇此世間做有智慧，就著成做戇，通成做有智慧。

19

(THR) In-ūi chit sè-kan ê tì-hūi chiàu Siōng-tè khòaⁿ sī gōng; in-ūi ū kì-chài kóng, Hō͘ chiah ê tì-hūi ê lâng tiòng in ka-kī ê khúi-khiat ê;

(BCL) 因為此世間的智慧，照上帝看是戇。因為有記載講：「互諸個智慧的人，中家己的詭譎的」；

20

(THR) koh kóng, Chú chai ū tì-hūi ê lâng ê liām-thâu sī khang-khang.

(BCL) 閣講：「主知有智慧的人的念頭是空空。」

21

(THR) Só͘-í m̄ thang chiong lâng lâi khoa-kháu; in-ūi bān mı̍h sī lín ê;

(BCL) 所以呣通將人來誇口，因為萬物是恁的。

22

(THR) bô lūn Pó-lô, A-pho-lô, Ki-hoat, sè-kài, o̍ah, sí, hiān-kim ê, chiong-lâi ê, lóng sī lín ê;

(BCL) 無論保羅、亞波羅、磯法、世界、活、死、現今的、將來的，攏是恁的；

23

(THR) lín sī Ki-tok ê, Ki-tok sī Siōng-tè ê.

(BCL) 恁是基督的，基督是上帝的。

Bible Color Mark

• 台語漢字羅馬本
• 巴克禮全羅